Երևանի Նոր Նորք վարչական շրջանում՝ Գյուրջան փողոցում՝ «Սուրբ Գրիգոր Լուսավորիչ» բժշկական կենտրոն հարևանությամբ, կոյուղաջրի արտահոսք է սկսվել։
Տեղում կոյուղաջուրը դիտահորից բառացիորեն շատրվանի պես ցայտում էր՝ լցվելով ճանապարհի վրա և ստեղծելով ոչ միայն հակասանիտարական պայմաններ, այլև անհարմարություններ անցորդների և վարորդների համար։
Oragir.News-ը դեպքի վայրում տեսանյութ է ֆիքսել, որտեղ պարզ երևում է՝ ինչպես է կոյուղաջուրը մեծ ճնշմամբ դուրս գալիս դիտահորից և տարածվում շրջակա տարածքում։
Դեպքի պատճառների և խնդրի լուծման ուղղությամբ իրականացվող քայլերի վերաբերյալ այս պահին պաշտոնական տեղեկատվություն չկա։
Բնակիչները նշում են, որ նմանատիպ իրավիճակները վտանգավոր են ինչպես սանիտարահիգիենիկ տեսանկյունից, այնպես էլ կարող են վնասել ճանապարհային ենթակառուցվածքները։
Փորձեցինք կապ հաստատել, նաև քաղաքապետարանի հետ սակայն, այնտեղից չպատասխանեցին:
Մանրամասները` տեսանյութում:
Մերի Հակոբյան