«Քաղաքացիական պայմանագիր» կուսակցության Հակակոռուպցիոն կանխարգելման հանձնաժողովին ներկայացված վերջին՝ 2025 թվականի ֆինանսական հաշվետվություններում հրապարակված անդամավճարների տվյալները թույլ են տալիս պատկերացում կազմել կուսակցության ակտիվ անդամների թվի վերաբերյալ։ Այսպիսով, ՔՊ կուսակցության բյուջե մուտքագրված անդամավճարների ցուցակն ունի 7490 անդամ։
Հաշվետվության համաձայն՝ անդամավճարների ընդհանուր գումարը կազմում է ավելի քան 113 մլն դրամ, իսկ վճարումները չափը տատանվում է՝ սկսած 1000 դրամից մինչև 65,000 դրամ և ավելի: Օրինակ՝ տարվա վերջին գործարքների թվում են Անուշավան Ասատրյանի և Սյուզաննա Հակոբյանի 1000-ական դրամի վճարումները, ինչպես նաև Դավիթ Միրզոյանի 45,000 դրամի անդամավճարը:
Նկատենք, որ ՔՊ անդամների թիվը զգալիորեն աճել է վերջին տարիներին։ Հայաստանում այլ կուսակցությունների ֆինանսական հաշվետվությունները, որպես կանոն, ցույց են տալիս ավելի փոքր ծավալի անդամավճարներ կամ դրանց ցածր մասնակցություն, ինչը փաստում է, որ ՔՊ-ն այս պահին ունի ամենամասսայական ֆինանսական ներգրավվածությունը կուսակցական մակարդակում։
Որպես խորհրդարանական մեծամասնություն՝ «Քաղաքացիական պայմանագիր» կուսակցությունը բնականաբար ստանում է պետական ամենախոշոր հատկացումները։ Սա նշանակում է, որ մյուս քաղաքական ուժերի համեմատ ՔՊ-ն ունի ամենամեծ բյուջեն։