Ինդոնեզիայի Սումատրա կղզում ավտոբուսի և վառելիքատար մեքենայի բախման հետևանքով զոհվել է առնվազն 16 մարդ, հաղորդում է Xinhua պորտալը՝ հղում անելով տեղական իշխանություններին։
«Ինդոնեզիայի Սումատրա կղզում գտնվող խոշոր ավտոմայրուղու վրա միջքաղաքային ավտոբուսի և վառելիքատար մեքենայի ճակատային բախման հետևանքով զոհվել է առնվազն 16 մարդ», — ասվում է հրապարակման մեջ։
Նշվում է, որ միջադեպը տեղի է ունեցել Հարավային Սումատրա նահանգում գտնվող Տրանսսումատրայի մայրուղու վրա։ Բախումից հետո դեպքի վայր են ժամանել արտակարգ ծառայությունների աշխատակիցները, որոնք օգնություն են ցուցաբերել տուժածներին և ապահովել տարածքի անվտանգությունը։