Ֆրանսիական իշխանությունները մտադիր են աջակցություն ցուցաբերել ավիաընկերություններին, որոնց գործունեության վրա ազդեցություն է ունեցել Իրանի շուրջ ստեղծված իրավիճակի պատճառով ավիացիոն կերոսինի արժեքի աճը։ Այս մասին X-ում հայտնել է հանրապետության տրանսպորտի նախարար Ֆիլիպ Տաբարոն։
«Ավիաընկերությունները բախվել են լուրջ ցնցման։ Կառավարությունը լիովին մոբիլիզացված է՝ նրանց ուղեկցելու և այս փուլը հաղթահարելու հարցում օգնելու համար», – գրել է նախարարը։
Կառավարությունը, մասնավորապես, պատրաստ է ավիափոխադրողներին տրամադրել սոցիալական վճարների հետաձգումներ և հարկային ապառիկներ։ Միևնույն ժամանակ Տաբարոն հավելել է, որ կառավարությունը «զգոն է մնում ուղևորների իրավունքների պահպանման հարցում»։
Ավելի վաղ հաղորդվել էր, որ ֆրանս-հոլանդական Air France – KLM խումբը սպասում է, որ ԱՄՆ-ի և Իսրայելի՝ Իրանի դեմ պատերազմի ֆոնին ավիացիոն կերոսինի գների աճը 2026 թվականին իր վառելիքային ծախսերը կավելացնի 2,1 միլիարդ եվրոյով՝ հասցնելով 8,2 միլիարդ եվրոյի։ Վառելիքի գների աճի պատճառով խումբը ստիպված է եղել բարձրացնել տոմսերի գները, իսկ դրա կազմում գտնվող Transavia բյուջետային ավիաընկերությունը հայտարարել է չվերթների չեղարկման մասին։