Իսրայելի վարչապետ Բենիամին Նեթանյահուն գաղտնի այց է կատարել Արաբական Միացյալ Էմիրություններ Իրանի հետ պատերազմի ժամանակ, որտեղ հանդիպել է երկրի նախագահ Մուհամմեդ բեն Զայեդի հետ:
Նեթանյահուի գրասենյակն այսօր հայտարարել է, որ հանդիպումը «հանգեցրել է պատմական բեկման Իսրայելի և Արաբական Միացյալ Էմիրությունների հարաբերություններում»: Արաբական Միացյալ Էմիրությունների պաշտոնական ներկայացուցիչները ձեռնպահ են մնացել անմիջական մեկնաբանություններից:
Այցի մասին լուրը հաջորդել է The Wall Street Journal պարբերականի այն հաղորդագրությանը, թե անցյալ ամիս ԱՄԷ-ն ռազմական հարվածներ է հասցրել Իրանին: ԱՄԷ իշխանությունները հրապարակավ չեն ընդունել այդ գործողությունները:
Իսրայելում ԱՄՆ դեսպան Մայք Հակաբին երեքշաբթի հայտարարել է, որ Իսրայելը Արաբական Միացյալ Էմիրություններ է ուղարկել «Երկաթե գմբեթ» հակաօդային պաշտպանության համակարգի մարտկոցներ և սպասարկող անձնակազմ: