Երևանը ՀՀ տնտեսության հիմնական էպիկենտրոնն է։ Մասնավորապես, անշարժ գույքի շուկայում իրականացվող առուվաճառքի գործարքների զգալի մասը կենտրոնացած է հենց Երևանում։
Դիտարկենք բնակարանների 1 քմ գները 2026թ․ առաջին եռամսյակում․
Երևանի Կենտրոն համայնքում բնակարանի 1 քմ գինը 2026թ․ առաջին եռամսյակում կազմել է ֏908,400, Արաբկիր համայնքում՝ ֏633,400, իսկ Դավթաշենում՝ ֏494,800։
Ամենաէժան բնակարանները գրանցվել են Նուբարաշենում, որտեղ 1 քմ գինը կազմել է ընդամենը ֏249,900։
Փաստորեն, Երևանում ամենաթանկ 1 քմ բնակարանի գինը մոտ 4 անգամգերազանցում է ամենաէժան 1 քմ բնակարանի գնին։
Ընդ որում՝ 2025թ․ առաջին եռամսյակի համեմատ Երևանի համայնքներից և ոչ մեկում բնակարանների 1 քմ գինը չի նվազել։
Գների ամենամեծ աճը՝ մոտ 21%—ով, դիտվել է Նուբարաշեն համայնքում։ Գների ամենափոքր աճը՝ 0.8%-ով, արձանագրվել է Արաբկիր համայնքում։
- Այսպիսով, 2026թ․ առաջին եռամսյակի տվյալները ցույց են տալիս, որ Երևանի անշարժ գույքի շուկայում պահպանվում է ինչպես գների աճի ընդհանուր միտումը, այնպես էլ համայնքների միջև զգալի գնային տարբերակվածությունը։