Ապրիլի 11-ին՝ ժամը 07։50-ի սահմաններում, Քուչակ-Ապարան ճանապարհին միմյանց են բախվել ՆԳՆ ոստիկանության գվարդիայի «Հոնդա» ավտոբուսը և «Նիսսան» մեքենա․ հայտնում է ՆԳՆ-ն։
Ըստ նախնական տվյալների՝ ճանապարհատրանսպորտային պատահարի հետևանքով մահացել է 1, իսկ բուժօգնության դիմել՝ 12 անձ։
Նախաձեռնվել է քրեական վարույթ։
Նշենք, որ համացանցում ավելի վաղ տեղեկություն էր տարածվել, որ միջադեպը տեղի է ունեցել այն ժամանակ, երբ ոստիկանական մեքենան ուղեկցում էր ՔՊ-ի ավտոբուսը։ ՆԳՆ-ն այս մասին մանրամասներ չի հայտնում։
Իշխող ուժն այսօր այցելելու է Լոռու մարզ։