Պակիստանի ցամաքային զորքերի շտաբի պետ, ֆելդմարշալ Սայեդ Ասիմ Մունիրը ժամանել է Թեհրան, հաղորդում է Press TV-ն։
Օդանավակայանում Մունիրին դիմավորել է Իրանի ներքին գործերի նախարար Էսկանդար Մոմենին։
Իրանական լրատվամիջոցի տեղեկություններով՝ պակիստանցի ֆելդմարշալի այցի նպատակն է Իրանի և ԱՄՆ-ի միջև ընթացող բանակցությունների քննարկումը։
Պակիստանյան լրատվամիջոցների հաղորդմամբ՝ այցի ընթացքում Մունիրը հանդիպումներ կունենա Իրանի առանցքային բարձրաստիճան պաշտոնյաների հետ։ Դա նրա երկրորդ այցն է Թեհրան՝ պատերազմի վերջնական դադարեցմանն ուղղված Իսլամաբադի միջնորդական ջանքերի ակտիվացման ֆոնին։