Սերբիայի նախագահ Ալեքսանդր Վուչիչը Չինաստան կատարած այցի ժամանակ հայտնել է, որ շուտով կարող է հրաժարական տալ։ Նրա խոսքերը փոխանցում է N1 հեռուստաալիքը։
Միևնույն ժամանակ, քաղաքական գործիչը նշել է, որ չի պլանավորում սահմանափակել իր լիազորությունները՝ հետևելով նախկին նախագահ Բորիս Թադիչի օրինակին։
Վուչիչը նաև հայտարարել է, որ հունիսի 26-ից 28-ը կկայանա իշխող Սերբիայի առաջադեմ կուսակցության նիստը։ Նա նշել է, որ այս իրադարձություններից հետո սերբ քաղաքացիներին ուղղված ուղերձներն ավելի կարևոր կլինեն, քան մասնակիցների թիվը։
Վուչիչի երկրորդ նախագահական ժամկետը լրանում է 2027 թվականի գարնանը։
Նշենք, որ վերջին ամիսներին Սերբիայում քաղաքական իրավիճակը լարված է. երկրում անցկացվում են զանգվածային բողոքի ցույցեր, որոնց մասնակիցները պահանջում են Վուչիչի հրաժարականը։