«Հայաստանի պատմության մեջ այս քարոզարշավն իշխանությունը վերածեց ամենակեղտոտ քաղաքական գործընթացի»,- Աշտարակում քարոզարշավի ժամանակ իր ելույթում ասաց ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը։
«Այս իշխանությունը քայլող ատելություն է՝ ոտից գլուխ և ուզում է այդ ատելությամբ թունավորի բոլորին։ Ոնց որ ատելության մթնոլորտում ինքն իրեն լավ է զգում, ոգևորվում է։ Ոգևորվում է նրանից, որ մարդիկ իրար գզում են, ընտանիքներ են բաժանվում, հարևանը հարևանի հետ չի խոսում, սա է իր աշխուժությունն ու հիստերիկ վիճակը պահողը գործոնը։ Սա նորմալ չէ, սա հոգեկան խանգարման հատկանիշ է։ Պատրա՞ստ ենք մենք գնալ նման մարդու հետևից»,- նշեց Քոչարյանը՝ հավելելով, որ այս իշխանությունը քայքայում է պետականությունը՝ սեփական աթոռն ամեն գնով պահելու համար։