ԱՄՆ-ն և Ադրբեջանը նախօրեին Բաքվում «Կարևորագույն և հազվագյուտ հանածոների արդյունահանման և մշակման ոլորտում մատակարարումների ապահովման մասին» պայմանագիր են ստորագրել։
Այս մասին հաղորդում է «Ինտերֆաքս» գործակալությունը՝վկայակոչելով Ադրբեջանի կառավարությանը մոտ կանգնած աղբյուրները։
Դրանց համաձայն՝ ադրբեջանական կողմից համաձայնագիրը ստորագրել է էկոնոմիկայի նախարար Միքայիլ Ջաբարովը, ամերիկյան կողմից՝ պետքարտուղարի Տնտեսության և գործարարության հարցերով տեղակալ Քալեբ Օրը։
Համաձայնագիրը ստորագրվել է Բաքվում ընթացող «Միջազգային էներգետիկ շաբաթի» շրջանակներում։