Նախարարները մտքեր են փոխանակել տարածաշրջանային վերջին զարգացումների, ինչպես նաև ԱՄՆ-Իրան վերջին բանակցությունների ընթացքի վերաբերյալ:
Նշենք, որ Ռուսաստանի նախագահ Վլադիմիր Պուտինը և Իրանի նախագահ Մասուդ Փեզեշքիանը ևս հեռախոսազրույց են ունեցել, որի ընթացքում քննարկել են նաև Մերձավոր Արևելքում տեղի ունեցող զարգացումները: Փեզեշքիանը բարձր է գնահատել Իսլամաբադում կայացած իրանա-ամերիկյան բանակցությունները և շնորհակալություն է հայտնել Ռուսաստանին իր սկզբունքային դիրքորոշման համար, այդ թվում՝ միջազգային հարթակներում, որն ուղղված է իրավիճակի լիցքաթափմանը, ինչպես նաև Իրանի ժողովրդին ցուցաբերած մարդասիրական օգնության համար:
Պուտինը հաստատել է Ռուսաստանի պատրաստակամությունը նպաստել Մերձավոր Արևելքի հակամարտության քաղաքական և դիվանագիտական կարգավորմանը և շարունակել միջնորդական ջանքերը: