Դոնալդ Թրամփը հայտարարել է, որ Իրանը կարող է սկսել վերականգնման գործընթացը։ Նա նշել է, որ Թեհրանը հոգնել է ստեղծված իրավիճակից, ինչպես նաև տարածաշրջանի մյուս երկրները։ Նա այս մասին գրել է իր TruthSocial սոցիալական ցանցի էջում։
«Իրանը կարող է սկսել վերականգնման գործընթացը։ Մենք կմատակարարենք տարբեր տեսակի ապրանքներ և պարզապես «կլինենք այնտեղ»՝ համոզվելու համար, որ ամեն ինչ լավ է ընթանում»,- գրել է նա։
Թրամփը ներկա պահն անվանել է «հիանալի օր համաշխարհային խաղաղության համար»։ Նա նշել է, որ Միացյալ Նահանգները կօգնի բացել Հորմուզի նեղուցը։