Ռուսաստանը պատրաստ է բանակցություններ վարել ուկրաինական կարգավորման շուրջ՝ հաշվի առնելով իր ազգային շահերը, հայտարարել է Ռուսաստանի նախագահ Վլադիմիր Պուտինը, հաղորդում է РИА Новости-ն։
«Մենք համաձայն ենք բանակցություններ վարել, սակայն միայն հաշվի առնելով մեր ազգային շահերը։ Ընդ որում՝ ոչ թե պարզապես այսօրվա, այլ հեռանկարային՝ հաշվարկված պատմական հեռանկարի համար»,- զինծառայողների՝ Ուկրաինայում պատերազմի մասնակիցների հետ հանդիպման ժամանակ ասել է Պուտինը ։
Միևնույն ժամանակ, ըստ Պուտինի Ռուսաստանը պետք է հաշվի առնի հակառակորդի հնարավորությունները, զարգացնի և ամրապնդի իր սեփական հնարավորությունները։
«Մենք, իհարկե, պետք է հաշվի առնենք հակառակորդի հնարավորությունները, կատարելագործենք մեր հնարավորությունները, զարգացնենք և ամրապնդենք դրանք»,- հանդիպմանն ասել է Պուտինը։