Իսրայելի բանակը (ՑԱԽԱԼ) հայտնել է, որ վերջին շաբաթվա ընթացքում Լիբանանի հարավում իրականացված գործողությունների ընթացքում ոչնչացրել է «Հեզբոլլահ» շարժման յոթ մարտիկի։
Իսրայելական զինված ուժերի տվյալներով՝ գործողության թիրախը մարտիկների այն խումբն էր, որը տեղաշարժվելու համար օգտագործում էր ստորգետնյա երթուղի։ Հարվածի համար ներգրավվել են ռազմաօդային ուժեր, հրետանի և անօդաչու թռչող սարքեր։
ՑԱԽԱԼ-ում նաև հայտնել են, որ գործողության անցկացման շրջանում հայտնաբերվել են հրացաններ և այլ ռազմական սարքավորումներ։ Իսրայելի բանակը նշել է, որ շարունակում է հարվածներ հասցնել Լիբանանի հարավում գտնվող «Հեզբոլլահի» օբյեկտներին և ենթակառուցվածքներին։
Ավելի վաղ զինվորականները հայտնել էին խմբավորման դիրքերի վրա հարյուրավոր հարձակումների և շարունակվող արշավի ընթացքում նրա տասնյակ անդամների ոչնչացման մասին։