ԱՄՆ նախագահ Դոնալդ Թրամփը և Ուկրաինայի նախագահ Վլադիմիր Զելենսկին կմասնակցեն G7 («Մեծ յոթնյակ»- խմբ.) երկրների առաջնորդների աշխատանքային հանդիպմանը), որը կանցկացվի Ֆրանսիայում հունիսի 15–17-ին կայանալիք գագաթաժողովի շրջանակում։
Reuters-ի տվյալներով՝ հղում կատարելով ամերիկացի պաշտոնյաներին, երկու կողմերն էլ ծրագրում են առանձին հանդիպումներ և մասնակցություն գագաթաժողովի շրջանակում անցկացվելիք քննարկումներին, որոնք նվիրված կլինեն Ուկրաինային, անվտանգությանը և միջազգային օրակարգին։
Իր հերթին, AFP-ն հայտնել է, որ Զելենսկին հրավիրված է մասնակցելու G7-ի առանձին նստաշրջանների, որտեղ կքննարկվեն Կիևին հետագա աջակցության և պատերազմի շուրջ իրավիճակի հարցերը։