Նորվեգիայի թագաժառանգ Հոկոնի խորթ որդին դատապարտվել է 4 տարվա ազատազրկման՝ մեղավոր ճանաչվելով բռնաբարության և բռնություն կիրառելու համար․ գրում է Reuters գործակալությունը։
Վճիռը կայացվել է 7 շաբաթ տևած դատավարությունից հետո՝ մեծ հարված հասցնելով թագավորական ընտանիքի երբեմնի անթերի հեղինակությանը։
Օսլոյի շրջանային դատարանը 29-ամյա Մարիուս Բորգ Հոյբիին մեղավոր է ճանաչել բռնաբարության երկու գործով, որոնցից մեկը տեղի է ունեցել թագաժառանգի տան նկուղում։
Հոյբին նաև մեղավոր է ճանաչվել իր այն ժամանակվա ընկերուհու նկատմամբ բռնություն կիրառելու համար։ Ըստ դատարանի՝ նա բազմիցս բռունցքով հարվածել է նախկին ընկերուհու դեմքին, փորձել է խեղդել նրան և նրա ուղղությամբ տարբեր առարկաներ է նետել։
Հոյբին արդարացվել է բռնաբարության երկու այլ մեղադրանքներով։
Նշվում է, որ թագավորական ընտանիքի անդամներից ոչ ոք չի մասնակցել դատավարությանը։ Հոյբին Նորվեգիայի թագավորական ընտանիքին միացել է, երբ նրա մայրը՝ Մետե-Մարիտը, 2001 թվականին ամուսնացել է թագաժառանգ Հոկոնի հետ։