Թուրքիայի Քահրամանմարաշ քաղաքի դպրոցում տեղի ունեցած հրաձգության հետևանքով զոհվել է չորս մարդ, վիրավորվել՝ առնվազն 20-ը։ РИА Новости-ի հաղորդմամբ՝ այս մասին ճեպազրույցի ժամանակ հայտնել է նահանգապետ Մյուքերրեմ Ունլյուերը։
«Կրակոցների հետևանքով զոհվել է մեկ ուսուցիչ և երեք աշակերտ»,- ասել է նա։ Դպրոցի վրա հարձակված անձը, ով նույն ուսումնական հաստատության 18-ամյա աշակերտ է, ինքնասպան է եղել։