ԱՄՆ ազգային հետախուզության տնօրենի պաշտոնակատար Բիլ Փուլթը երկուշաբթի սկսել է գործակալությունում պլանավորած լայնածավալ կրճատումների գործընթացը․ գրում է CNN-ը՝ հղում անելով հարցին ծանոթ աղբյուրին։
CNN-ն ավելի վաղ հայտնել էր, որ Փուլթը դիտարկում է գործակալության հարյուրավոր աշխատատեղերի կրճատում։ Նշվում է, որ անցյալ շաբաթ նա աշխատանքի էր ներկայացել պաշտոնը ստանձնելու օրվանից մեկ օր շուտ՝ խնդրելով գրասենյակի բոլոր աշխատակիցների ցուցակը, ինչն, ըստ աղբյուրների, անակնկալի էր բերել նույնիսկ պաշտոնից հեռացող տնօրեն Թուլսի Գաբարդին։
Կրճատումների մասին տեղեկությունների ֆոնին՝ ԱՄՆ Սենատի և Ներկայացուցիչների պալատի հետախուզության հանձնաժողովների դեմոկրատները երկուշաբթի նամակ են հղել Փուլթին՝ նախազգուշացնելով նրան աշխատուժի լայնածավալ կրճատումների ռիսկերի մասին։