Արցախի ԱԳ նախկին նախարար Արման Մելիքյանը ֆեյսբուքյան իր էջում գրել է․ «ՍԴ դիմելն անիմաստ համարող քաղաքացիների պահվածքը հասկանալի է: Նրանք համարում են, որ ընտրությունների արդյունքները խեղաթյուրված են ներկայացվել ՀՀ ԿԸՀ-ի կողմից և գտնում են, որ Սահմանադրական դատարանն ընդամենը հաստատելու է դրանց արդյունքները՝ «շունը շան թաթ չի կծի» ասացվածքի տրամաբանության համապատասխան: Գուցե անմիջապես փողոցային պայքարի դուրս գալն են ելք համարում և պատրաստ են ապստամբության: Ստեղծված իրավիճակում, սակայն, ինքնաբուխ ապստամբության չգնացին այդ մարդիկ, իսկ ընդդիմադիր առաջնորդներն էլ նախընտրեցին խաղաղ, իրավական գործիքակազմի կիրառում նախատեսող այս տարբերակը: Հավանական եմ համարում, որ նրանք արդեն ունեն մանդատները վերցնելու վերաբերյալ որոշումը, բայց որպես կրքերը մասնակիորեն հանդարտեցնելու, ժամանակ ձգելու միջոց՝ ՍԴ են մտել»։