Ադրբեջանում 16 տարեկանից փոքր անձանց համար կսահմանափակեն սոցիալական ցանցերի օգտագործումը:
Երկրի խորհրդարանը հաստատել է «Երեխաներին վնասակար տեղեկատվությունից պաշտպանելու մասին» օրենքում կատարված փոփոխությունները։
Այս փոփոխություններով սոցիալական ցանցերում անձնական հաշիվներ բացելու նվազագույն տարիքը սահմանվել է 16 տարեկանը։
Օգտատերերի ինքնությունը կհաստատվի բանկային քարտի, էլեկտրոնային փոստի հասցեի և հեռախոսահամարի միջոցով, իսկ 16-ից 18 տարեկան անձինք կկարողանան գրանցվել միայն օրինական ներկայացուցչի համաձայնությամբ։