Դերասան Կարեն Ասլանյանն այս տարեսկզբին՝ հունվարին, ապրեց իր կյանքի ամենաերջանիկ ակնթարթները՝ պաշտոնապես հայր դառնալով։ Դերասանի կինը՝ Աննան, նրան դուստր պարգևեց, ում ծնողները որոշեցին անվանակոչել Արուս՝ ի պատիվ Կարենի սիրելի մայրիկի։
Այս իրադարձությունից հետո դերասանը կարծես թե որոշել է ողջ ժամանակը նվիրել ընտանիքին, ինչն անհանգստացնում էր նրա բազմահազար երկրպագուներին։
Վերջին շրջանում Կարեն Ասլանյանը նոր նախագծերում կամ հեռուստասերիալներում հանդես չի գալիս։
Ավելին, նա բավականին պասիվ է նաև սոցիալական հարթակներում, որտեղ գրեթե անձնական հրապարակումներով կամ առօրյա կադրերով աչքի չի ընկնում։ Շատերը կարծում էին, որ դերասանը պարզապես ստեղծագործական դադար է վերցրել։