Խոշոր հրդեհ է բռնկվել թուրքական Էսքիշեհիրում գտնվող և ավիացիոն շարժիչներ ու ռազմական նշանակության ապրանքներ արտադրող TUSAS Motor Sanayii A.S. ընկերության ձեռնարկությունում։
Haberler-ի տվյալներով՝ հրդեհը կարող էր սկսվել արտադրական արտադրամասերից մեկում տեղի ունեցած պայթյունից հետո։ Ձեռնարկության ողջ անձնակազմը շտապ տարհանվել է։
Հրդեհաշիջման աշխատանքներին ներգրավվել են Թուրքիայի ռազմաօդային ուժերի մասնագիտացված ստորաբաժանումները։
Հրդեհի պատճառների և հնարավոր տուժածների վերաբերյալ պաշտոնական տեղեկություն առայժմ չի հաղորդվել։