ԱՄՆ նախագահ Դոնալդ Թրամփը համոզված է, որ Չինաստանը և Ռուսաստանը Իրանին ռազմական աջակցություն չեն ցուցաբերում:
«Հետևաբար, երկու խոշոր երկրները, որոնց մասին մարդիկ հաճախ են նշում Իրանի համատեքստում, իմ կարծիքով, մասնակցություն չունեն [Թեհրանին ռազմական աջակցություն ցուցաբերելու գործում]»,-Truth Social-ում գրել է ԱՄՆ առաջնորդը՝ մեկնաբանելով Իրանի շուրջ ստեղծված իրավիճակը: «Եթե նրանք դա անեին, դա շատ վատ կլիներ իրենց համար: Անկասկած, չէր բխի նրանց բոլոր շահերից»,- կարծում է Թրամփը:
Ըստ նրա՝ ՉԺՀ նախագահ Սի Ծինպինն իրեն հավաստիացրել է, որ «ոչ մի պարագայում» համաձայնություն չի տա «Իսլամական Հանրապետություն Իրանին սպառազինության» փոխանցմանը կամ վաճառքին: «Եվ այդ հայտարարությունը վերաբերում էր նաև չինական ընկերություններին»,- նշել է ամերիկացի առաջնորդը: Նա ընդգծել է, որ հավատում է չինացի ղեկավարի խոսքին: «Ես էլ եմ նրան շատ մեծ լավություններ անում,- կարծում է Թրամփը: -Նմանապես, շարունակել է նա,- [Ռուսաստանի] նախագահ [Վլադիմիր] Պուտինը, չնայած Ուկրաինայում սարսափելի պատերազմին, ինձ հայտարարեց, որ սպառազինություն չի վաճառի Իրանին, և հարաբերությունները [ռուսական և ամերիկյան առաջնորդի միջև] պահպանվում են, ինչպես և [Վլադիմիր] Զելենսկու հետ»: «Նա (Պուտինը) հասկանում է, որ ես սպառազինություն եմ վաճառում ոչ թե Ուկրաինային, այլ ՆԱՏՕ-ի երկրներին: Նրանք վճարում են լրիվ գինը, իսկ թե ինչպես են բաշխվում այդ սպառազինությունները, ես ոչ մի պատկերացում անգամ չունեմ»,- պնդել է ԱՄՆ նախագահը:
ՌԴ ԱԳՆ ղեկավար Սերգեյ Լավրովը հուլիսի 22-ին Ֆիլիպիններում ԱՍԵԱՆ-ի գծով միջոցառումների մասնակցության արդյունքներով հայտարարել էր, որ Մոսկվան ցանկանում է Հորմուզի նեղուցում հակամարտության դադարեցում և Թեհրանին սպառազինություն չի մատակարարում, դրա մասին լուրերը լսելն արդեն ուղղակի «անհարմար է», ընդգծել է Լավրովը: