Հյուսիսամերիկյան օդատիեզերական պաշտպանության հրամանատարության (NORAD) F-16 կործանիչներն այսօր որսացել են մի քանի թեթև շարժիչով ինքնաթիռ, որոնք խախտել էին ԱՄՆ Նյու Ջերսի նահանգի Բեդմինսթեր քաղաքի շրջանում սահմանված թռիչքների ժամանակավոր սահմանափակումները, որտեղ գտնվում է ԱՄՆ նախագահ Դոնալդ Թրամփի գոլֆ-ակումբը, ասվում է հրամանատարության հաղորդագրության մեջ։
Բոլոր ինքնաթիռները անվտանգ կերպով դուրս են բերվել սահմանափակման գոտուց և NORAD-ի օդանավերի ուղեկցությամբ տարվել դրա սահմաններից դուրս։
NORAD-ը կոչ է արել օդաչուներին թռիչքից առաջ ստուգել ավիատորների համար նախատեսված ծանուցումները (NOTAM) և ԱՄՆ Քաղաքացիական ավիացիայի դաշնային վարչության (FAA) սահմանած թռիչքների ժամանակավոր սահմանափակումները։