ԱՄՆ պետքարտուղար Մարկո Ռուբիոն վստահություն է հայտնել, որ մինչև Դոնալդ Թրամփը լքի իր պաշտոնը, Կուբան կմտնի փոփոխությունների անդառնալի ուղի, հաղորդում է Brussels Signal-ը։
Պատասխանելով այն հարցին, թե արդյոք Կուբան կարող է կրկնել Վենեսուելայի ճակատագիրը, Ռուբիոն հայտարարել է, որ վարչակազմի լիազորությունների ժամկետի ավարտին կղզին «կմտնի դեպի բոլորովին այլ ապագա տանող անդառնալի ուղի»։
Նա նշել է, որ 70 տարի գոյություն ունեցած համակարգը հնարավոր չէ քանդել մեկ գիշերվա ընթացքում՝ հավելելով, որ նախ պետք է տեղի ունենա անցումային շրջան։
Ռուբիոն մատնանշել է կոմունիզմի անկումից հետո Արևելյան Եվրոպան, որտեղ, նրա խոսքով, երկրներին երեքից հինգ տարի է պահանջվել՝ դառնալու այն, ինչ այսօր են, և որպես ամենավառ օրինակ նշել է Լեհաստանը։