Ութ մարդ զոհվել է Ալյասկայի արևմուտքում, հեռավոր ռազմական ռադիոլոկացիոն օբյեկտի մոտ, չարթերային ինքնաթիռի կործանման հետևանքով, հաղորդել է Reuters-ը։
Անքորիջում տեղակայված Security Aviation չարթերային ընկերության կողմից շահագործվող Cessna 441 ինքնաթիռը կործանվել է տեղի ժամանակով ժամը մոտ 12:15-ին (20:15 GMT), Քեյփ Նյուենհեմ օդանավակայանից արևմուտք։
ԱՄՆ Դաշնային քաղաքացիական ավիացիայի վարչության (FAA) տվյալներով՝ ինքնաթիռը դուրս է եկել Անքորիջի միջազգային օդանավակայանից և ուղևորվում էր դեպի Քեյփ Նյուենհեմ։
Վթարը տեղի է ունեցել հեռավոր ռազմական ռադիոլոկացիոն կայանի մերձակայքում, որը մտնում է Ալյասկայի և հարակից շրջանների օդային տարածքը վերահսկող օբյեկտների ցանցի մեջ։
Աղետի պատճառները դեռևս չեն հաղորդվում։ Դեպքի վայրում աշխատում են արտակարգ ծառայությունները, հանգամանքները պարզվում են։