ԱՄՆ պետդեպարտամենտը հավանություն է տվել Կատարին մինչև 4.5 մլրդ դոլար արժողությամբ չորս KC-46A լիցքավորիչ ինքնաթիռների և հարակից սարքավորումների հնարավոր վաճառքին։
Պետդեպարտամենտի հայտարարության համաձայն՝ Արտասահմանյան ռազմական վաճառքների (FMS) ծրագրի շրջանակում հնարավոր գործարքը նախատեսում է մինչև չորս KC-46A ինքնաթիռի, ութ PW4062 տուրբոշարժիչների, ռադիոլոկացիոն նախազգուշացման ընդունիչների, լազերային հաղորդիչների և այլ սարքավորումների մատակարարում։
Ամերիկյան գերատեսչությունում հայտնել են, որ գործարքը կամրապնդի Կատարի ռազմավարական դերը տարածաշրջանային անվտանգության ապահովման գործում և միաժամանակ «չի փոխի տարածաշրջանում առկա ռազմական ուժերի հիմնական հավասարակշռությունը»։