Ռուսաստանի Օրյոլի մարզի նահանգապետ Անդրեյ Կլիչկովը սոցցանցերում գրառում է արել՝ նվիրված տարածաշրջանում դիվերսիաների կանխմանը, և տեղացիներին կոչ է արել հաղորդել ուժայիններին «ակցենտով» մարդկանց մասին: Գրում է «Ազատությունը»։
Ըստ պաշտոնյայի՝ բնակիչները պետք է շատ ուշադիր լինեն, հատկապես՝ բնակավայրերից դուրս, ուշադրություն դարձնեն «այն ամենին, ինչը տարօրինակ է թվում», և այդ կապակցությամբ զանգահարել Ներքին գործերի նախարարության և Անվտանգության դաշնային ծառայության տարածաշրջանային վարչություններ:
«Տարօրինակությունների» թվում Կլիչկովը նշել է «կասկածելի անձանց», որոնք «թույլ են կողմնորոշվում տեղանքում, ակցենտով են խոսում»: Նահանգապետը կոչ է արել նաև ուժայիններին հայտնել հայտնաբերված անօդաչու թռչող սարքերի, թաքստոցների, թաքնված տեսախցիկների և ռադիոկայանների մասին: