ՄԱԿ-ի հարթակում 50 երկրների խումբը հանդես է եկել համատեղ հայտարարությամբ, որում դատապարտել է Ուկրաինայի դեմ Ռուսաստանի հարվածները։
Ուկրաինայի անկախության 35-րդ տարեդարձին եւ ռուս- ուկրաինական պատերազմի սկսվելու 4,5 տարիներին նվիրված հայտարարությանը միացած երկրներն ընդգծել են միջազգային ճանաչված սահմաններում Կիեւի ինքնիշխանության նկատմամբ իրենց հավատարմությունը։
«Կոմերսանտ»- ը հատուկ նշում է, որ հայտարարությանը չի միացել ԱՄՆ- ը։ Այն ստորագրել են եվրոպական երկրների մեծ մասը, այդ թվում՝ Հունգարիան եւ Սլովակիան, Եվրամիության պատվիրակությունը, Մեծ Բրիտանիան, Ճապոնիան, Կանադան, Վրաստանը եւ այլ երկրներ։ Երկրները կոչ են արել անհապաղ դադարեցնել ռազմական գործողությունները, ինչպես նաեւ պահանջել վերադարձնել բոլոր արտաքսված անձանց եւ ռազմագերիներին։