Reuters-ը գրում է, որ Թրամփի վարչակազմի ներկայացուցիչներն աշխատում են մի համաձայնագրի շուրջ, որն ապահովելու է Վենեսուելայի նավթի պաշարների մի մասի երկարաժամկետ հասանելիությունը։ Այս քայլը վերջնարդյունքում կարող է նվազեցնել նավթի ներկրման ինքնարժեքը։
Աղբյուրները հայտնել են, որ համաձայնագիրը, որը կարող է ստորագրվել և հրապարակվել մոտ ապագայում, ենթադրաբար թույլ կտա ԱՄՆ կառավարությանն իրեն ամրագրել վենեսուելական նավթահանքերի մի խումբ, որոնք մշակվելու են ամերիկյան ընկերությունների կողմից՝ հավելելով, որ դրա արդյունքում մատակարարումները երաշխավորված կլինեն Միացյալ Նահանգների համար։
Ըստ աղբյուրների՝ գործարքի իրականացման համար որպես իրավական մոդել դիտարկվում է «վարձակալության» տարբերակը, իսկ հանքավայրերից յուրաքանչյուրը ամերիկյան արտադրողների միջև բաշխելու համար կանցկացվի լրացուցիչ աճուրդ կամ մրցույթ։
Բանակցությունների փուլում գտնվող 17 հանքավայրերի ցուցակում, որը հայտնվել է Reuters-ի տրամադրության տակ, ներառված են ինչպես նոր հանքավայրեր Օրինոկո գետի ընդարձակ ավազանում, այնպես էլ յուրացված տեղամասեր Մարակայբո լճի շրջանում, որոնցից մի քանիսը ներկայումս մշակվում են չինական փոքր ընկերության կողմից։