Հայաստանի ներքաղաքական դաշտում՝ նախընտրական թեժ նախապատրաստությունների ֆոնին, Սամվել Կարապետյանի աջակիցները պատրաստվում են նոր հանրահավաքի, որը նախատեսված է մայիսի 8-ին։
Oragir.News-ին հայտնի դարձավ, որ «Ուժեղ Հայաստան» գործադիր մարմնի ղեկավար Ալեքսան Ալեքսանյանը իրազեկող դիմում է ներկայացրել Երևանի քաղաքապետ Տիգրան Ավինյանին՝ մայիսի 8-ին նախատեսվող հանրահավաքի կազմակերպման մասին։
Միջոցառումը կկայանա Երևանի կենտրոնում՝ ժամը 18:00-22:00-ն, և ակնկալվում է շուրջ 40 հազար մասնակցի ներկայություն։
Դիմումի մեջ նշվում է, որ հանրահավաքի նպատակը հասարակության տարբեր շերտերի համախմբումն է և հանրային կարևոր հարցերի շուրջ քննարկումների ակտիվացումը։ Կազմակերպիչները նաև շեշտում են, որ միջոցառումը լինելու է բաց և հասանելի բոլոր ցանկացողների համար։
Նշվում է, որ նախապատրաստական աշխատանքները մեկնարկել են դեռևս ապրիլին, իսկ մասնակցության հայտերը ներկայացվել են սահմանված կարգով։