Ոսկու գինը մեկ տրոյական ունցիայի դիմաց առաջին անգամ օգոստոսի 19-ից ի վեր իջել է $4,4 հազ. նշագծից ցածր։ Comex բորսայում ոսկու դեկտեմբերյան ֆյուչերսը Երևանի ժամանակով մոտ 17:00-ին նվազել է 2,14%-ով՝ հասնելով $4,3 հազ. մեկ ունցիայի դիմաց։
Ինչպես նշում է Bloomberg-ը, անկումն արագացել է դոլարի ամրապնդման և ամերիկյան պետական պարտատոմսերի եկամտաբերության աճի ֆոնին։ Ներդրողները գնալով ավելի շատ են ակնկալում, որ ԱՄՆ Դաշնային պահուստային համակարգը երկար ժամանակ կպահպանի բարձր տոկոսադրույքները։ Սա նվազեցնում է ոսկու գրավչությունը, քանի որ այն տոկոսային եկամուտ չի բերում։
$4,4 հազ. նշագծի ճեղքումը կարող է ուժեղացնել շուկայում ուղղումը։ Միևնույն ժամանակ, Goldman Sachs-ի վերլուծաբանները չեն բացառում ոսկու նկատմամբ պահանջարկի վերականգնումը՝ որպես պաշտպանիչ ակտիվի, եթե սրվի աշխարհաքաղաքական իրավիճակը։
Առաջիկա օրերին գնանշումների դինամիկան մեծապես կախված կլինի ԱՄՆ-ից կարևոր մակրոտնտեսական վիճակագրության հրապարակումից։