ԱՄՆ նախագահ Դոնալդ Թրամփն առաջարկել է Հորմուզի նեղուցը վերանվանել «Թրամփի նեղուց» (Trump Strait)՝ հայտարարելով, որ այժմ, երբ այդ շրջանը գտնվում է ԱՄՆ վերահսկողության տակ, կարելի է դրան նոր անվանում տալ։
«Այժմ, երբ մենք վերահսկողություն ենք սահմանել, մի՞թե չպետք է Հորմուզի նեղուցի անվանումը փոխենք «Թրամփի նեղուցի» (Trump Strait): Ինչպես հենց ինքը՝ Ամերիկան, այն ավելի «թեժ» կլինի, քան երբևէ», – Truth Social սոցիալական ցանցում գրել է Թրամփը։
ԱՄՆ նախագահն ավարտել է գրառումը հետևյալ խոսքերով․ «Շնորհակալություն այս հարցին ուշադրություն դարձնելու համար»։
Ավելի վաղ ԱՄՆ նախագահը բազմիցս հրապարակել էր Հորմուզի նեղուցի քարտեզները՝ այն անվանելով «ԱՄՆ տարածք»։