Ամերիկայի առաջնորդ Դոնալդ Թրամփը սեպտեմբերի 2-ին կրկին հայտարարել է, որ Վենեսուելայի նախագահ Նիկոլաս Մադուրոյի դեմ ԱՄՆ-ում կարող են նոր մեղադրանքներ առաջադրվել։
«Նրանց մեղադրանք է առաջադրվել շատ ծանր հանցագործություններ կատարելու համար, – ասել է նա Սպիտակ տանը ելույթի ժամանակ՝ նկատի ունենալով Մադուրոյին և նրա կնոջը՝ Սիլիա Ֆլորեսին։
«Բացի այդ, կարծում եմ՝ նրանց մեղադրանք չի առաջադրվել այն բանի համար, որ նրանք դատարկել են իրենց բանտերը [կալանավորներին] ԱՄՆ ուղարկելու համար, բայց գուցե առաջադրեն»,–ընդգծել է Թրամփը։ Նա նախկինում բազմիցս հայտարարել էր, որ Վենեսուելայի իշխանությունները նպաստել են հանրապետությունից ԱՄՆ անօրինական միգրացիային։
Թրամփը մարտին նաև թույլ էր տվել, որ Մադուրոյին վերաբերող «այլ դատական գործընթացներ էլ են սպասվում», և նրա նկատմամբ «այլ գործեր էլ կհարուցվեն»։
Հունվարի 3-ին ամերիկացի զինվորականները հարձակվել էին Վենեսուելայի մի շարք օբյեկտների վրա, բռնել և դուրս էին բերել Մադուրոյին ու նրա կնոջը։ Հունվարի 5-ին նրանք ներկայացել էին Նյու Յորք նահանգի Հարավային շրջանի դաշնային դատարան։ Նրանց մեղադրում են թմրանյութերի առևտրին առնչություն ունենալու մեջ։ Մադուրոն և նրա կինը մեղքը չեն ընդունել։ Վենեսուելական պետության ղեկավարի պարտականությունները կատարում է նախագահի լիազոր ներկայացուցիչ Դելսի Ռոդրիգեսը, որը Մադուրոյի օրոք զբաղեցնում էր հանրապետության գործադիր փոխնախագահի պաշտոնը։
Մադուրոյի պաշտպանությունը ավելի վաղ դատարանից խնդրել էր մերժել մեղադրական եզրակացության առաջին կետը, որով նրան վերագրվում է դավադրություն՝ նարկոահաբեկչության նպատակով։