Banksnews.am–ի գրավոր հարցմանն ի պատասխան՝ ՀՀ պետական եկամուտների կոմիտեն (ՊԵԿ) տրամադրել է 2025թ. և 2026թ. հուլիս ամիսներին Հայաստանի Հանրապետությունից արտահանված պտղի, բանջարեղենի ծավալների ու մաքսային արժեքի վերաբերյալ պաշտոնական վիճակագրությունը։
Փաստաթղթերի վերլուծությունը ցույց է տալիս, որ համեմատվող ժամանակահատվածներում էապես փոխվել են ինչպես արտահանման ծավալները, այնպես էլ աշխարհագրական ուղղությունները։
Բանջարեղեն․ ծավալների աճ և աշխարհագրության ընդլայնում
2025 թվականի հուլիսին Հայաստանից արտահանվել է ընդհանուր առմամբ շուրջ 6,434 տոննա բանջարեղեն, որի գերակշռող մասը՝ 6,430.9 տոննան (մոտ 4.55 մլրդ դրամ մաքսային արժեքով), ուղղվել է դեպի Ռուսաստանի Դաշնություն։
Փոքր ծավալներ են արտահանվել նաև Վրաստան (1 տոննա), ԱՄՆ (0.8 տոննա), Ղազախստան (0.6 տոննա), Ֆրանսիա (0.4 տոննա), ինչպես նաև Նիդերլանդներ և ԱՄԷ։
2026 թվականի հուլիսին պատկերը զգալիորեն փոխվել է․ արտահանման աշխարհագրությունն ընդլայնվել է, իսկ հիմնական ուղղությունները վերաբաշխվել են․
- Ուկրաինա․ 1,637.7 տոննա (684.2 մլն դրամ)
- Վրաստան․ 2,435.1 տոննա (244.4 մլն դրամ)
- Ուզբեկստան․ 732.5 տոննա (177.8 մլն դրամ)
- Լեհաստան․ 121.8 տոննա (83.4 մլն դրամ)
- Ռուսաստան․ 33.9 տոննա (40 մլն դրամ)
- Իրան․ 31.8 տոննա (5.2 մլն դրամ)
- Մոլդովա՝ 38.2 տոննա։
Փոքր ծավալներ են արտահանվել նաև Ղազախստան, ԱՄԷ, Գերմանիա և ԱՄՆ։
Պտուղ (մարգ, մրգեր)․ Վրաստանն ու Ուզբեկստանը` առաջատար դիրքերում
2025 թվականի հուլիսին պտղի արտահանման հիմնական շուկան կրկին Ռուսաստանն էր․
- Ռուսաստան․ 3,666.1 տոննա (3.54 մլրդ դրամ)
- Վրաստան․ 2,100.9 տոննա (236.5 մլն դրամ)
- Ուկրաինա․ 830 տոննա (320.6 մլն դրամ)
- Բելառուս․ 158.2 տոննա (32.8 մլն դրամ)
- Այլ երկրներից են ԱՄԷ-ն (42 տոննա), Լատվիան (20 տոննա), Սերբիան (19.6 տոննա), Գերմանիան, Կատարը, Չեխիան, Ֆրանսիան և Կորեայի Հանրապետությունը։
2026թ. հուլիսին պտղի արտահանման ծավալները ․
- Վրաստան․ 4,135 տոննա (707 մլն դրամ)
- Ուզբեկստան․ 2,390.9 տոննա (1.12 մլրդ դրամ)
- Ուկրաինա․ 1,226.2 տոննա (602.9 մլն դրամ)
- Իրաք․ 800.8 տոննա (246.6 մլն դրամ)
- Ղազախստան․ 584.8 տոննա (112 մլն դրամ)
- Լեհաստան․ 388.4 տոննա (226.3 մլն դրամ)
- Թուրքմենստան․ 224.2 տոննա (28.7 մլն դրամ)
- Բելառուս․ 204.2 տոննա (123.6 մլն դրամ)
Արտահանումներ են իրականացվել նաև դեպի Ղրղզստան (118.6 տոննա), Ռումինիա, Լատվիա, Ֆրանսիա, Մոլդովա, Ռուսաստան, Իրան, Գերմանիա, Կատար, Կանադա, Սինգապուր և Օման։
ԿԱՐԴԱՑԵՔ ՆԱԵՎ