Եվրոպական հանձնաժողովը չի հաստատել, որ Հայաստանը կկարողանա 2029 թվականին ստանալ ԵՄ-ի հետ առանց վիզայի ռեժիմ, ինչպես հույս ունի ՀՀ վարչապետ Նիկոլ Փաշինյանը․ այս մասին, ինչպես գրում է ՏԱՍՍ-ը, Բրյուսելում կայացած ճեպազրույցի ժամանակ հայտարարել է Եվրոպական հանձնաժողովի մամուլի խոսնակ Պաուլա Պինյոն։
«Դեռ վաղ է կանխատեսել, թե արդյոք 2029 թվականը կլինի՞ վիզայի ազատականացման տարի։ Դեռ վաղ է նման վստահությամբ խոսել», – նշել է նա։
Պինյոյի խոսքով՝ դա տեղի կունենա միայն, «երբ ժամանակը գա»։
Նիկոլ Փաշինյանը հայտարարել է ԵՄ հետ վիզայի ազատականացման իր մտադրության մասին հուլիսի 2-ին Եվրահանձնաժողովի նախագահ Ուրսուլա ֆոն դեր Լեյենի հետ Երևանում կայացած մամուլի ասուլիսում։ Եվրահանձնաժողովի նախագահն այդ ժամանակ նրան չի ուղղել։