Իսրայելը հարվածել է հարավային Լիբանանին։ Իսրայելական ավիահարվածի հետևանքով զոհվել են մեկ ընտանիքի երեք սերունդներ․ զոհվածների թվում են երեխաներ, որոնցից ամենակրտսերը երկու ամսական։
Քաղաքացիական պաշտպանության աշխատակիցներն աշխատել են ամբողջ գիշեր և մինչև առավոտ՝ փլատակների տակից դուրս բերելով մարմինները։ Վերջին երկու զոհերը, այդ թվում՝ երեխան, հայտնաբերվել են երկու ժամ անց։
Իսրայելական բանակն արդեն մի քանի շաբաթ է, ինչ փորձում է «Հեզբոլլահից» խլել ռազմավարական նշանակություն ունեցող բարձունքները և այժմ հայտարարում է «օպերատիվ վերահսկողության» մասին։ Հնարավոր է՝ այն փորձում է մարտական գործողությունների վարման նոր կանոններ սահմանել Հարավային Լիբանանում՝ ուժեղացնելով հարձակումները և մեղադրելով «Հեզբոլլահին» իր զորքերի դեմ զինված անօդաչու թռչող սարքեր օգտագործելու մեջ․ մեղադրանք, որը խմբավորումը դեռևս չի մեկնաբանել։
Ձևականորեն «զինադադարը» պահպանվում է, սակայն բանակցությունները հայտնվել են փակուղում. գրում է Ալ Ջազիրան։