«Երևանտրանս» ՓԲԸ-ի լուծարման նախագիծը քննարկվել է Երևանի ավագանու նիստում։
Փոխքաղաքապետ Սուրեն Գրիգորյանի խոսքով՝ դա Երևանի երթևեկության կառավարման կենտրոն համայնքային հիմնարկի ստեղծման տրամաբանական շարունակությունն է։
Գրիգորյանն անդրադարձել է նաև խցանումների թեթևացման ուղղությամբ իրականացվող աշխատանքներին՝ նշելով, որ երթևեկության կառավարման համար հավաքագրվում և վերլուծվում են քաղաքի թվային համակարգերից ստացվող տվյալները:
Երևանի երթևեկության կառավարման կենտրոնի ստեղծումը միտված է էականորեն ավելի տվյալահեն որոշումների կայացմանը՝ երթևեկության և հանրային տրանսպորտի կառավարման տեսանկյունից։ Առաջին նախագիծը տվյալների միասնական պահոցի ստեղծումն է։
Նախատեսվում են տեսախցիկներ, որոնց միջոցով պետք է իրականացվեն համապատասխան հոսքերի հաշվարկներ օրվա տարբեր ժամերին, տարվա տարբեր ամիսներին։ Գրեթե ամբողջությամբ գույքագրվել է Երևանի լուսացուցային ենթակառուցվածքը։
Ըստ Գրիգորյանի՝ քննարկման փուլում է քաղաքային մուտքերի մոտ համապատասխան ավտոկայանատեղիների ստեղծումը։
Տեսանյութ: