«Ուժեղ Հայաստան» կուսակցության առաջնորդ, գործարար Սամվել Կարապետյանը դատարանի բակում պատասխանել է լրագրողների հարցերին։ Ճեպազրույցի առանցքային կետերը ներկայացնում ենք ստորև․
- Փաշինյանը ուզում է Տիգրանաշենը ճանաչել «ապօրինի գույք» ու հանձնել։ Մենք դա չենք թողնում։
- Մենք հիմա մշակում ենք լուրջ ծրագրեր, որ այդ գոտին սարքենք տուրիստական կենտրոն, արտադրություններ ունենանք այնտեղ, որպեսզի ժողովուրդը իր հայրենիքից դուրս չգա։
- Մենք ընդհանրապես սահմանազատման ծրագիր չունենք, մենք մեր հողերը հետ բերելու ծրագիր ունենք։
- ՀԷՑ-ի մասով մի՛ անհանգստացեք։ ՀԷՑ-ը կվերադառնա իր օրինական տիրոջը, իրենք էլ ոչ մի բան չեն կարողանալու անել։
- Հայաստանը չունի գազի աղբյուրները դիվերսիֆիկացնելու հնարավորությունը, Նիկոլ Փաշինյանն ունի։
- Դե բերեք ռուսական բազայի փոխարեն թուրքական բազա դրեք․ մի բազա պետք է․ այդ բազան կա, հիմա կա՛մ ռուսներն են, կա՛մ թուրքերն են, որոշե՛ք։
- Շատ արագ հետ կբերեինք մեր գերիերին՝ մեր հնարավորություններով։
- Մեր փողոց մարդ հանելու համար, տրիգեր պետք չի, տրիգերը պետք է փոփոխություն անելու համար։
- Մարդիկ ուզում են ապրել իրենց հայրենիքում, արարել իրենց հայրենիքում, մենք էլ կօգնենք զարգացնել այդ հայրենիքը։