CBD COP17-ի շրջանակում քաղաքացիական հասարակության մասնակցությունն ու օրակարգը ներկայացնելու նպատակով Էկոլուրը Ֆեյսբուք սոցիալական ցանցում ստեղծել է «Քաղաքացիական հասարակության ձայնը՝ CBD COP17-ին» հարթակը։
Հարթակի նպատակն է մեկտեղել և հանրայնացնել քաղաքացիական հասարակության նախաձեռնությունները, առաջարկներն ու գործողությունները՝ կապված վայրի բնության, բնական պաշարների, կենդանական և բուսական աշխարհի պահպանության, մշտադիտարկման և կայուն օգտագործման հետ։
Նորաստեղծ հարթակը հնարավորություն է տալիս քաղաքացիական հասարակության ներկայացուցիչներին և կազմակերպություններին ներկայացնել իրենց գործունեությունն ու նախաձեռնությունները՝ կապված կենսաբազմազանության պահպանության և բնության պաշտպանության հետ։
Հարթակի միջոցով հնարավոր է ներկայացնել կազմակերպության կամ նախաձեռնության միջոցառումները, կիսվել իրականացված գործողությունների և արշավների մասին տեղեկություններով, տարածել լուսանկարներ, տեսանյութեր և այլ նյութեր, ինչպես նաև տեղեկանալ այլ նախաձեռնությունների մասին և միանալ դրանց։
Հարթակը բաց է քաղաքացիական հասարակության ներկայացուցիչների, կազմակերպությունների և նախաձեռնությունների համար։
Սեպտեմբեր 12, 2026 at 21:00