Մեծի Տանն Կիլիկիո Արամ Ա Կաթողիկոսը Խաչվերացի տոնի առթիվ ուղերձ է հղել՝ անդրադառնալով Խաչի խորհրդին և քրիստոնյայի կյանքում դրա նշանակությանը։
Արամ Ա Կաթողիկոսի խոսքով՝ Խաչը միայն քրիստոնեական կրոնը խորհրդանշող նշան կամ պատմական իրադարձության հիշատակ չէ։ Այն, ըստ նրա, անհուն սիրո, գերազանց զոհողության և անմնացորդ ծառայության խորհրդանիշ է։
«Գողգոթայի բարձունքին խաչն ու Խաչյալը միավորվեցին՝ դառնալով սիրո, զոհողության և ծառայության հավերժական պատգամ»,- նշել է Կաթողիկոսը։
Նա ընդգծել է, որ բավարար չէ միայն խաչով զարդարել եկեղեցիները, տներն ու կրծքերը։
«Խաչը պետք է ապրի, նրա պատգամը պետք է արտացոլվի մեր կյանքում»,- ասել է Արամ Ա Կաթողիկոսը։