Լիտվայի նախագահ Գիտանաս Նաուսեդան հայտնել է, որ այս գիշեր ՆԱՏՕ-ի կործանիչները երկրի տարածքում ԱԹՍ են խոցել։ Լիտվայի մի քանի շրջաններում դեղին վտանգի [հնարավոր սպառնալիքի] մակարդակ էր հայտարարվել՝ կապված անօդաչու թռչող սարքերի հայտնաբերման հետ։
«Անօդաչու թռչող սարքը, որը նոր էր մտել Լիտվայի օդային տարածք, խոցվել է ՆԱՏՕ-ի կործանիչների կողմից։ Շնորհակալություն եմ հայտնում դաշինքի ուժերին արագ արձագանքի համար։ Հաշվի առնելով, որ Ռուսաստանը ուժեղացնում է իր ագրեսիան Ուկրաինայի դեմ, նման պատրաստվածությունը կենսականորեն կարեւոր է մեր տարածաշրջանի համար»,- գրել է Նաուսեդան X սոցիալական ցանցում։
Լիտվայի հանրային հեռարձակող LRT-ն հայտնում է, որ անօդաչու թռչող սարքը հայտնաբերելուց կես ժամ անց «տեղեկություններ են ստացվել, որ ԱԹՍ-ն ոչնչացվել է օդում՝ Կաունասի շրջանում, իսկ վտանգի ազդանշանը չեղարկվել է»։
Նաուսեդան չի հստակեցրել, թե որ երկրից էր անօդաչու թռչող սարքը։
BBC- ին գրում է, որ նախկինում ՆԱՏՕ-ի ուժերն ու Բալթյան երկրների իշխանությունները բազմիցս արձագանքել են ուկրաինական ռազմական անօդաչու թռչող սարքերի թռիչքներին, որոնք արձակվել էին Ռուսաստանի տարածքում գտնվող թիրախների ուղղությամբ։