ԱՄՆ նախագահ Դոնալդ Թրամփը հայտարարել է, որ Կանադային Եվրոպական միության ասոցացված անդամ դառնալու թույլտվությունը կարող է դիտարկվել որպես «թշնամական ակտ»։ Նա սպառնացել է առաջարկված քայլին արձագանքել այդ բլոկից ներմուծվող ապրանքների վրա հավելյալ մաքսատուրքերի սահմանմամբ:
«Եթե մտադրությունները բարի են, ապա ամեն ինչ կարգին է: Եթե մտադրությունները վատն են, մենք Եվրոպայից ներմուծվող ապրանքների վրա շատ բարձր մաքսատուրքեր կսահմանենք»,- ասել է նա՝ չբացառելով, որ եվրոպական որոշ երկրների հետ ԱՄՆ-ը կարող է դադարեցնել առևտուրը։
Թրամփը ԵՄ-ին Կանադայի անդամակցության հեռանկարն անվանել է «ծիծաղելի» և Ամերիկայի հարևանին բնութագրել որպես «սարսափելի առևտրային գործընկեր»: