«Վաղը մեր պահանջը լինելու է անհնազանդության կարգի․ արդեն ծայրահեղ վիճակ է, որովհետև չի կարող այսպես շարունակվել»,- ԱԺ դիմաց 44-օրյա պատերազմի քննիչ հանձնաժողովի զեկույցի հանրայնացման ու ԱԺ մեծ դահլիճում բաց հանդիպման պահանջով ակցիայի ժամանակ հայտարարեց քաղաքացիական ակտիվիստ Միքայել Մարգարյանը։ «Մենք պահանջատեր ենք մեր խնդրին, և սա ոչ միայն 190 հոգու խնդիրն է, այլ ամբողջ հայության։ Մենք շարունակում ենք պնդել, որ իրենք պարտավոր են զեկույցը տրամադրել մեզ և պարտավոր են ներկա գտնվելու ԱԺ քննարկմանը։ Թող վաղը բաց լսումներ կազմակերպեն ծնողների և շահագրգիռ մարմինների հետ, հետո անցկացնեն փակ լսումներ»,- շարունակելով թեման՝ նշեց հասարակական, քաղաքական գործիչ Գևորգ Գևորգյանը։
Հիշեցնենք, որ պատգամավոր Թագուհի Թովմասյանի ջանքերով նախատեսվել է ապրիլի 23-ին ԱԺ-ում անցկացնել աշխատանքային քննարկում՝ 44-օրյայի զեկույցի վերաբերյալ, սակայն մերժել են տրամադրել ԱԺ գլխավոր դահլիճը՝ փոխարենն առաջարկելով 70 մասնակցի համար նախատեսված մեկ այլ դահլիճ։