Թուրքիայի արտաքին գործերի նախարար Հաքան Ֆիդանը սպառնացել է Հունաստանին։
«Հունաստանի ներքաղաքական կյանքում առկա է թուրքական գործոնը։ Եթե ինչ-որ մեկը ցանկանում է ներքաղաքական կյանքում քաղաքական միավորներ վաստակել, ապա «քարտը», որը նա կօգտագործի, կլինի «թուրքականը»։
Թուրքիայում քաղաքականությունն այդպես չի գործում։ Մենք ունենք ավելի լուրջ, ավելի գլոբալ հարցեր, որոնցով պետք է զբաղվենք։
Հունաստանի քաղաքականության մեջ կա միայն մեկ խնդիր։
Մենք շահագրգռված չենք Էգեյան ծովում լարվածության սրմամբ։ Մենք կտրականապես անընդունելի ենք համարում ապառազմականացված կարգավիճակ ունեցող կղզիների ռազմականացումը և շատ մեծ ջանքեր ենք գործադրել այս խնդիրը լուծելու համար։
Այս տարածաշրջանին խաղաղություն է պետք, ոչ թե ռազմականացում։
Հուսով ենք, որ հույն քաղաքական գործիչների կողմից արված որոշ հայտարարություններ կմնան միայն հռետորաբանության մակարդակում։
Սակայն եթե նրանք ավելի առաջ գնան և ձեռնարկեն իռացիոնալ, արկածախնդրական քայլեր, ապա Թուրքիայի լրջությունն ու ուժը բոլորին հայտնի են», — հայտարարել է Թուրքիայի արտաքին գործերի նախարար Հաքան Ֆիդանը։