Միացյալ Նահանգներն ակնկալում է, որ Իրանը կվերադառնա բանակցությունների սեղանին՝ հակամարտության խաղաղ կարգավորման շուրջ համաձայնության հասնելու համար, հայտարարել է ՄԱԿ-ում ԱՄՆ մշտական ներկայացուցիչ Մայք Ուոլցը։
«Դուռը բաց է Իրանի համար՝ բանակցությունների սեղանի շուրջ վերադառնալու համար։ Նրանք կվերադառնան բանակցությունների։ Հուսով եմ՝ խաղաղ և դիվանագիտական ճանապարհով», – ասել է Ուոլցը՝ ելույթ ունենալով Նյու Յորքում կայացած Al-Monitor կոնֆերանսում։
Միևնույն ժամանակ ԱՄՆ-ն իրատեսական չի համարում Իրանի նկատմամբ պատժամիջոցների վերացման և նյութական վնասի փոխհատուցման պահանջները՝ որպես բանակցային գործընթացը վերսկսելու պայմաններ։