«Արմենիա» միջազգային օդանավակայաններ» ՓԲԸ-ից հայտնում են, որ FLYONE ARMENIA ավիաընկերությունը ս.թ. դեկտեմբերի 15-ից չվերթեր կիրականացնի դեպի Բելգրադ, Սերբիա:
Երևան – Բելգրադ – Երևան երթուղով թռիչքները կիրականացվեն շաբաթական 2 չվերթ հաճախականությամբ՝ յուրաքանչյուր երեքշաբթի և ուրբաթ օրերին:
Ավիատոմսերի առկայության, վերջիններիս ձեռքբերման և այլ մանրամասների համար խնդրում ենք այցելել ավիաընկերության կայք՝ flyone.am կամ կապ հաստատել տեղական տուրիստական գործակալությունների հետ: