ՌԴ նախագահ Վլադիմիր Պուտինը պատրաստ է հանդիպել ԱՄՆ նախագահ Դոնալդ Թրամփի հետ, սակայն հանդիպման ժամկետի վերաբերյալ դեռևս հստակություն չկա։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
Նրա խոսքով՝ բարձր մակարդակի հանդիպման վերաբերյալ այս պահին որևէ կոնկրետ պայմանավորվածություն չկա, սակայն Պուտինը պատրաստակամություն է հայտնել նման հանդիպում անցկացնելու։ Պեսկովը նշել է, որ երկու նախագահներն իրենց հեռախոսազրույցների ընթացքում պարբերաբար ընդգծում են անհրաժեշտության դեպքում ևս մեկ հանդիպում անցկացնելու պատրաստակամությունը։