Նյու Յորքում ՀՀ ԱԳՄԱ նախարարության հրապարակած լուսանկարներից ակնհայտ երևում է, որ նախարար Արարատ Միրզոյանի բոլոր հանդիպումներում առկա է Հայաստանի և հանդիպման մյուս կողմի երկրի դրոշը, բացառությամբ ադրբեջանցի գործընկերոջ՝ Ջեյհուն Բայրամովի հետ հանդիպումից։
Armat Media-ն նախարարի խոսնակ Անի Բադալյանից հետաքրքրվեց, թե ինչով է պայմանավորված այդ հանգամանքը։
«Երկու երկրների արարողակարգերի միջև քննարկման արդյունքում այս պահին այդպես է որոշվել»,- մեզ հետ զրույցում ասաց Բադալյանը։
Նա հավելեց, որ բոլոր հանդիպումների մասին նախարարությունը հրապարակումներ արել է և որ կան հրապարակումներ որոնցում, բնականաբար, ներառված են նաև կադրեր՝ հանդիպումներից։